[Catorce]
Entras-me, solidez de troula
fio reflexo que me esmigalla.
Entre moinante e severo
saudábel tua coeréncia
que me engatilla os sermóns
estouradores
na lingua do noso xinzar!
Que sábio teu encorpar!
Que tátil autoridade destilas!
Como gabán mel me acobillas!
Canta fe crian meus ateismos!
Estas-me a explicar a nada
eu apreendo-che todo.
Forno vizoso nos teus instintos
que me corrixen do xeo
e que me regan coa luz.
Fornen-me mestre
derreten-me no seu calor.
Fig. Aldara g-14