Xoán Leiceaga Baltar

POESÍA

Imagen ilustrativa del poema

[Vinte e cinco]

Camiñabamos baixo eses teus ares,
teu irreverente pruído saíu de caza
entre especias do barullo pos-musical:
a min tocou-me o acarrexo dos desvarios.
a min tocaba acarrexar os desvarios.
Que impetuoso na curiosidade!
auscultas as veas desta arpa miña,
axusta-las ben ao teu, tanxe-las
e a reboque vou dos teus acordes.

Teu balsámico atropelo
vai-me enfocando a teu ritmo,
teu nomadismo remexe-me a calentura
e sacude-me os sentidos comúns.
Arrimas-me as xemas a teu tanxer,
e azeita-las na tua incandescéncia.

Ao cabo, remexes nas miñas letras,
ainda nas árias, esvaecidas,
e actualizas-me na tua armonia.
Regresamos do teu circo,
boto fora aos desvarios
e repouso ventureiro, até outro dia.

Fig. Aldara g-25

Volver